Azkena

Heldu da lauhileko amaiera, eta horrekin batera amaierako entrega. Aurrekoan aurkeztutako proiektuaren jarraipena edota garapena, hain zuzen ere. Arkitekturako fakultatearen lorategi txikian dagoen eraikinari soluzio bat bilatzea izan da oraingo honetan lana, bertan bi ikaslerentzako etxe bat sortuz, aurrekoan aipatu bezala.

Emaitza aurrekoan azaldutakoaren antzerakoa da itxuraz, baina aldaketa ugari ditu, zuzenketen ondoren burututakoak. Lehenengo aldaketa fatxadako leihoak. Hau izango da, beharbada, aldaketen artean esanguratsuena, edo behintzat gehien ikusten dena. Aurrekoan jarritako leihoek intimitateari ez zioten lekurik uzten eta horregatik, txikiagotu egin ditut, horrekin batera forma aldatuz.

 

Lorategiari dagokionean ere aldaketa txiki batzuk egin ditut. Lehen ezarritako hiru blokeen ordez bakarra jarri dut, lorategiko espazioa hain janda gera ez dadin eta aldi berean, espazio zabalagoa sor dezan, erabilgarritasuna handituz. Bertan geratu den blokeari, aurrekoan ezarritakoetatik erdikoari hain zuzen ere, banku bat ezarri diot eguraldi ona egiten duen egunetan lorategiaz eta eguraldiaz gozatu ahal izateko kanpoan eserita.

Barruko banaketari ere aldaketa ugari egin dizkiot, era horretan espazioa hobeto aprobetxatu eta erabiltzeko errazagoa izan dadin etxea orokorrean.

Proiektuaren beste funtsetako bat zen eskilara aurrekoan bezala mantendu dut. Kristalezko panel batek babesten duen eskilara da, mailak bata bestearen artean banatuak dituena, grabitaterik ez duen sentsazioa eman dezan. Eskilararen inguruan aldatu dudana inguruko hormak dira. Aurreko aldian proposatu bezala eskilararen kaxa kristalezkoa izateak egiturarekiko beharrezko ez ziren konplikazioak zekartzan eta horregatik, kendu eta horma arrunt bat jarri dut. 

Hau da, beraz, azken emaitza. Aurrekoan aipatu bezala, influentzia nagusia, beharbada Van der Rohe-k Bartzelonako pabilioian erabilitako kontzeptua izan da, panel edo horma solteen bidez espazioak sortzearena zehazki. Hortik abiatuta banatu dut lorategia eta baita barruko espazioa ere. 

Hemen uzten ditut planoen eta maketaren beste argazki batzuk, argiago ikusteko azken ideia nondik nora doan eta nolakoa den barrutik. 

Hau izan da dena proiektu honen inguruan, eta baita lauhileko honetan ere. Hurrengo lauhilekoan etorriko dira proiektu, ideia, maketa, plano eta buruhauste gehiago ;)

Tailerra

Proposatutako azken proiektua: eskola kanpoaldean dagoen espazioan bi ikaslerentzat etxebizitza bat sortzea. Eskailera bat gehitu. Bi logela, komuna, sukalde txiki bat eta ikasteko lekua. Hau izan da azken lana. Egin beharreko lehenengo gauza ingurua ezagutzea izan zen, neurriak hartu inguruko fatxada eta eraikinekin zuen lotura aztertu, betebehar eta funtzioak betearazi... Eta abar luze bat.

Hau da nire proposamena:

Kanpotik eraikin xinplea da, konplikazio handirik gabekoa eta kanpokoarekin erlazionatzen dena. Orain arte zegoen bezala mantendu dut gehiena, zuhaitzak lekuz aldatzea eta hesiko pareta handia kentzea alde batera utzita. Eraikin diskretua da, ez du atentzio handirik deitzen kanpoko jendearentzat, izan ere, pertsona biren bizileku izanda, ez zait oso egokia iruditu atentzioa hor zentratuta ikustea. Inguruarekin harreman zuzena duen eta aldaketa handirik eskatzen ez duen proposamena luzatzen dut, beraz.

Kanpoko banaketa egiterakoan espazioak horma irekien bitartez egiteko teknikan oinarritu naiz. Mies Van der Rohe arkitektuak Bartzelonako pabilioian egin zuen bezala, banakako horma hauen bitartez espazio ezberdinak sortzea izan dut helburu, aldi berean eskolaren esparrua eta etxeko bizilagunena pixka bat banatuz, nahiz eta bi esparruak denentzat irekiak izan. Bartzelonako pabilioian erabiltzeaz gain beste eraikin eta proiektu batzuetan erabilitako ideia hau interesgarria iruditu zait, espazio argitsu eta irekiak sortzea baimentzen baitu. Aldi berean barrura ideia bera eraman dut barrukoak ere kanpokoarekin paralelismo bat sortzeko neurri batean. Ez dago gelak banatzeko hormarik, espazio irekiz osatua dago.

Mies Van der Rohe
Bartzelonako pabilioia

Mies Van der Rohe
Café de Terciopelo y Seda
Lilly Reich

Barruan, beste zerbait aipatzekotan, Le Corbusier-en eserleku ezaguna txertatu dut proposamenaren gehigarri bezala, ikasle bakoitzarentzat bat nahieran erabiltzeko. 

Azkenik, proiektuaren beste zati garrantzitsua aurkeztuko dizuet: eskailera. Duela bi aste jasotako klasearen ondoren zerbat gehiago ikasi genuen horren inguruan eta batetik bestera ibiliz, honetan oinarritu naiz: 

Ecole diseinu eta arkitektura estudioa
Paris
 

Eskailera kontzeptu honetan, grabitaterik ez dagoela ematen du. Hormara itsatsita doaz maila hauek, airean daudelako sentsazioa emanez. Diseinu hau Ecole estudio frantsesak proposatutakoa da, pisu baten erreformarako.

Azkenik, hemen dituzue nire proposamenaren plano eta marrazki zehatzak gutxi gora beherako ideia bat egiteko behintzat.

Logela

Azken emaitza. Hau da azkeneko bi sarreretan publikatutakoaren jarraipena eta azken emaitza. Gorria, beltza eta zuriak definitzen du orokorrean, gela minimalista. Ez ditu gauza asko eta ez da oso kargatua ere, baina aldi berean praktikoa da.

 Hemen planoak eta perspektiba. Ebaketa bakoitzean argi ikusten da nola dagoen kokatuta elementu bakoitza. Esan daiteke lehen argazkian erdian ikusten den armairua dela elementu zentralena, alde batetik eguneko eta gaueko espazioak banatzen dituelako eta bestetik, armairu eta zintzilikario funtzioa ere baduelako, aurrekoan aipatu bezala. Komuna txikia den arren, beharrezko espazioak ditu elementu bakoitzarentzat.

Hau da, beraz, azken emaitza. Gela sinple baina praktiko bat, kolore sinpleduna baina jokoa ematen duena eta beharrezko espazioduna. Leihoa aurrekoan baino askoz handiagoa da ikus daitekeenez, izan ere, ohea dagoen aldea argiztatzeko egokiagoa da leiho handiagoa izatea eta zuzenketen ondoren, izatez ere aurrekoa ez zen minimoen barruan sartzen.

Casa Collage

Liburu asko aukeratzeko eta ezin jakin zein aukeratu. Azkenean Casa Collage liburua izan da aukeratua. "Bizitzen ikasteko gida" bezala deskribatzen da sarreran, liburu erakargarria ematen du. Beraz, Hasitakoan emango ditut liburu honi buruz berri gehiago.

3

Aurreko astean aurkeztu nizuen nire etxeko gela. Horren haritik 3. proiektua: gela bat egituratzea. Aste honetarako lana: maketarekin hastea. 20 metro karratuko gela bat, ohikoak diren altzari eta beharrezko guztiekin, leiho bat eta komun batez gain.

Buelta ugari eman eta ondo pentsatu ondoren nire gelaren lehen marrazki orokor bat eginda, gauza guztiak kokatuta. Armairu bat, ohea, mahaia, apalategia, ikasteko aulkia, leihoa eta komuna bere altzariekin, lehen aipatu bezala. Gela argia da, argi naturala egun osoan zehar sartzen baita bertan, leiho handiari esker. Leiho zabalaren azpian, lanerako mahaia kokatzen da, gainean bere apalak dituena nahi diren gauzak kokatu ahal izateko. Gela bi zatitan zatitzen du tetriseko pieza forma duen armairuak. Mahaia dagoen aldetik zintzilikario funtzioa izango du, bai erropa, baita argazkiak edo nahi dena zintzilikatu ahal izateko gelara sartzerakoan. Beste aldean, intimitatea pixka bat gordez, ohea eta armairuaren ateak egongo dira kokatuta. Modu  horretan, ohetik altxatzerakoan armairuaren ateak ireki ahal zaingo dira jazteko, behar den espazioa gordez. Ohearen parean, atearen parean dagoen horman, komuna egongo da. Sarreran ispilua eta konketa ditu, eta eskubitara, dutxa eta komuna.

Orokorrean gela espaziotsua da, izan ere, komunaren eta mahaiaren artean espazio libre bat geratzen da. Irakurtzeko espazio txiki bat sortzea erabaki dut, lanpara eta kuxinekin, behar den erosotasuna eta giroa lortzeko irakurtzeko ordua.

Lan maketa hau behin behinekoa da, bihar zuzenketen txanda baitator. Datorren astean behin betikoa aurkezteko ordua izango da, dagozkion eta beharrezko diren aldaketa eta hobekuntzekin.

Room

Etxera sartu eta zuzenean dagoen lehenengo atea. Hortxe nire gela. Gure gela esan beharko nuke, ez baita nirea bakarrik, baina ez da dirudien bezain ikaragarria. Kontrakoa esango nuke. Askotan lagungarria ere bada espazioa beste norbaitekin, nire kasuan ahizparekin banatzea (nahiz eta gure borroka txikiak ere izaten ditugun, gela gora, gela behera).

Eguerdian sartuta sartzen da eguzki argia leihoetatik, puntu erakargarria ematen diona, giro epela sortzen baita. Goizetan ez dago lo egiteko arazorik beraz, argia ez baita zuzenean sartzen. Oso gustora egoten naiz nire espazioan.

Oheak mila eta bat aldiz aldatu ditugu lekuz, biak bertikalean, bata bestearen kontra, bat horma baten kontra eta bestea bestearen kontra... Azkenean hasieran zeuden bezala geratu badira ere. Dena dago gauzaz beteta. Kajoi, armario, kaxa eta baita ohe azpiak ere. Onartu beharra dago ordena ez dela gure lagunik onena eta askotan dena lekuz kanpo, lurrean eta aulkien gainetan uzten dugula. Hala ere, hor ibiltzen da beti ordenaren erregina atzetik dena lekuan manten dezagun. 

Hurrengo proiektuaren sarrera emanda uzten dut sarrera berri honekin. Datorren astean gehiago ;)

Desordenaren 

2.1

Txabolaren jarraipena. Aurreko sarreran aurkeztutako txabolan lan eta lan ibili ondoren, azken emaitza hementxe.

Ordu luze askoren ondoren kuterra, makilak eta kola eskuan, amaituta geratu da txabola. 12 metro karratu inguruko txabolatxoa da, eguzki argia sartzeko irekiera bat duena. Atea orratzen bidez lotuta dago egiturara, mugimendua izan dezan.

Aurreko ereduan aurreko zatiaren hormak ez ziren zuzenak, baina asko konplikatzen zenez egitura eta azala, laukizuzen forma hartu du azkenean.

Bye!