Inspirazio bila

Aurreko astean zintzilikatutako lanarekin aurrera, erreferentzia gehiago topatzea eta lantzea erabaki dut eta lan horretan nenbilela lan batek atentzioa deitu dit horien artean.

Theo van Doesburg - Maison d'artiste

Inspirazioa etorri zitzaidan konposizio hau ikustearekin batera. Ideia ona iruditu zait partzela txiki batean eta etxe nahiko altuz inguraturik egonda, gure orubea dagoen bezala, lurrean geratu ordez kuboen bitartez goranzko bide bat osatzea. Beste bi konposizio ere topatu nituen, ez zehazki era honetan osatuak, baina kubo eta laukizuzenen inguruan lan egin dutenak.

R. Bosch & B. Capdeferro - Porch house in La Garrotxa

Bi etxe hauek Arquitectura Viva aldizkaritik ateratako adibideak dira, hain zuzen ere Houses as Shelters izeneko zenbakitik.

Zenbaki honetan hainbat etxebizitza ageri dira,bai familia bakarrekoak eta baita hainbat familiarentzat direnak ere.

Lehenengoa eraikin zahar baten birmoldaketa da, zegoena bota ordez zati berri bat gehituz sortua,                                                                                            laukizuzen itxuran.

J. Blancafort & P. Reus - House for three sisters in Bullas

Bigarrena aldiz, hiru ahizparentzat eginiko konposizioa da, egurrezko hiru kuboz osatua. Aukera hau ere oso interesgarria, nahiz eta hiru familiarentzat izan.

Honekin, ideia batzuk garatu nahian kuboen jolas bat osatu nahi izan dut eta hona hemen emaitza.

Bi etxe, bi erreferentzia, bi arkitekto

Proiektu berri batekin hasten garen bakoitzean bezala azterketa lana dator lehenengo. Proiektu berria eta azkena, gezurra badirudi ere. Aurreko astean hasi ginen azterketa lan honekin. Proiektu berriaren helburua Ondarreta hondartzaren ertzean dagoen partzela batean etxe, estudio, bizileku bat egitea da.

Argazkiak, marrazkiak eta kalukuluak egiten ibili ondoren lekua hobeto ezagutu eta aztertzeko asmoz, gure lana bi erreferentzia hartu eta begiratzea izan da. Horretarako klasean hainbat arkitekto ezberdinen lanak eta beste hainbaten izenak ikusi genituen.

Lehenengoa Theodor Baird-entzat F.L.Wright-ek egindako etxea da.

HOUSE OF THEODOR BAIRD - FRANK LLOYD WRIGHT

Landa inguruan kokatuta dagoen etxebizitza unifamiliarra da. Kontzeptu irekia mantentzen du etxearen barruan eta kanpoari erantzun bat ematen dio fatxada garden eta adreiluaren bitartez. Aukera interesgarria iruditu zait, alde batetik arkitekto garrantzitsuen lan ezberdinak ezagutzeko beste era bat delako, alde batetik. Bestalde, proiektuak barruragotik uler daitezke era honetan. 

EGITURA

IBILBIDEAK

Kotxez

Orokorra (denentzat)

Familia

Gonbidatuak

Ama

PROGRAMA

Erabilera orokorra

Nukleo hezeak

Banakako erabilerak

PRIBATUTASUNA

Pribatua
Orokorra

SCHRÖDER ETXEA - RIETVELD

Aukeratu dudan bigarren etxea Rietveld-en Schröder etxea da. Etxe hau oso interesgarria iruditu zait etxe ireki bat sortzeko aukera ematen duelako paretak mugituz, espazio zabal eta ireki bat sortuz. Horrek aukera asko ematen ditu espazio ezberdinekin eta etxearen aukerekin jolasteko. Bestalde, etxea bere osotasunean armonian dago, altzari guztiak ere jokoa egiten baitute.

PROGRAMA

Erabilera orokorra

Nukleo hezeak

Banakako erabilerak

PRIBATUTASUNA

Pribatua
Orokorra

EGITURA

IBILBIDEAK

Orokorra (denentzat)

Etxekoak

Azterketa honen ondoren hurrengo proiektua egiteko gogoz, laguntza izango da era honetan hasi izana. Besterik gabe, hurrengo sarreran proiektuaren aurrerapenak azaltzekotan bueltatuko naiz berriz ere. ;)